【英國 脫歐 】香港人4大切身須知

[img]http://cgblogassets.s3-ap-northeast-1.amazonaws.com/wp-content/uploads/sites/3/2016/06/29094104/160628_HK-blog_%E3%80%90%E8%8B%B1%E5%9C%8B%E8%84%AB%E6%AD%90%E3%80%91%E9%A6%99%E6%B8%AF%E4%BA%BA4%E5%A4%A7%E5%88%87%E8%BA%AB%E9%A0%88%E7%9F%A5_830x370.jpg[/img]

英國公投由 脫歐 派爆冷勝出，消息震撼全世界。當日全球股市全面下挫，英鎊對港元匯價更跌愈10%，創過去31年新低，可見脫歐對全球經濟環境以至其他方面都影響甚深。雖然表面上唔關香港事，但脫歐對我哋啲普通市民而言，其實有好多切身影響！MoneyHero.com.hk從各方面同大家講解下 脫歐 對香港人嘅好處及壞處！

1）投資：留意有英國業務之企業

由於英國只係佔香港貿易比例嘅1.5%，因此政府估計英國脫歐對香港經濟嘅直接影響唔大。但香港作為國際金融中心，歐洲經濟唔穩定，香港金融市場難免被波及。

首先，投資者特別要留意在英國有業務嘅企業，其中出名嘅企業包括長和系集團，其歐洲業務佔總收入嘅46%（其中英國佔歐洲業務嘅21%），另外匯豐同渣打亦有一部分業務喺英國。呢類企業最大機會受到脫歐影響，令股價下跌，亦唔排除喺香港嘅業務會受到波及。

其次，英國脫歐為經濟帶來嘅不確定性令全球避險情緒升溫，因此國際資本流出嘅可能性明顯上升，繼而引發香港金融市場動盪，所以投資者最近要密切留意市場動向！



2）旅遊：有利有弊

脫歐消息一出令英鎊大幅下跌，英鎊兌港元由上個月最高嘅11.3跌至10.4。如果用HK$10,000換英鎊，上個月只可以換到£885，依家激增至£961！照咁睇，而家真係去英國旅行嘅好時機！唔怪得脫歐消息一出，唔少找換店同埋銀行都出現大排長龍嘅情況啦！

但大家要注意嘅係，雖然匯率上的確慳咗錢，但仍有其他方面潛在增加開支嘅機會！先講歐盟本身有「單一天空政策（Single European Sky）」，俾航空公司喺歐洲境內自由營運，減省成本。不過當英國脫歐之後，相關航線例如係 British Airways 同埋 EasyJet，就要重新同歐盟當局磋商，將會花上唔少時間。

除此之外，歐盟其實限制咗境內電訊商不得收取太高嘅漫遊費用，明年7月更會全面取消歐盟境內嘅漫遊費用。雖然英國脫歐仍需要時間磋商細節，不過一旦真正脫歐，歐英SIM卡就有機會唔再互通，喺英國旅行時就要另外購買電話卡。

不過，又唔使咁擔心住，都有個好消息帶俾大家。以後搭英國回程航班每人將會慳番$240！事關歐盟要求離開歐盟境內嘅航班，都需要繳付每位乘客約240港元離境稅，而家英國脫歐，唔再係屬於歐盟境內，到時自然就可以慳番筆啦！

其實英國脫歐對港人去英國旅遊嘅影響有利有弊，建議大家適當咁衡量一下自己去英國旅行時嘅真實情況，俾自己享受一個最抵嘅「英國之旅」！

（溫馨提示，講起旅遊，記住出門要買份旅遊保險旁身，即上我們的[url=http://www.moneyhero.com.hk/zh/travel-insurance]比較平台[/url]選擇最適合你嘅旅遊保險！有[url=https://donline.alliedworldgroup.com.hk/app/mh.jsp]Allied World[/url]、[url=https://i.fwd.com.hk/tc/travel-insurance?promo=TRA123&utm_source=MoneyHero&utm_medium=referral&utm_campaign=MH%7CTR%7CTravel+Chinese+TRA123&departureDate=26-4-2016&returnDate=28-4-2016&plan=personal&traveler=1&adult=1&child=0&other=0]FWD[/url]同[url=http://www.moneyhero.com.hk/zh/travel-insurance/get-quote#step1]MSIG[/url]等不同計劃俾你揀，經我哋買仲有優惠添！）



3）升學：一年可慳2萬？

英國一向係港人升學嘅熱門國家，現時在英留學嘅香港學生有成2萬人。脫歐後英鎊下跌，慳得最多嘅應該係佢哋！因為現時一般英國大學每年學費約£13,000，假設食宿等生活費£9,000，咁一年共需花費£22,000。若以上個月英鎊兌港元匯率換算（約1兌11.3），費用為HK$248,600；若以現時匯率（1兌10.4）換算，費用為HK$228,800，一年足足可慳近2萬蚊！亦因為咁，相信嚟緊會有更多人考慮前往英國升學。

相關閱讀：[url=http://www.moneyhero.com.hk/blog/zh/%E3%80%90%E7%95%99%E5%AD%B8%E8%A6%81%E5%B9%BE%E9%8C%A2%E3%80%9110%E5%9C%8B-%E7%95%99%E5%AD%B8-%E8%B2%BB%E7%94%A8%E5%A4%A7%E6%AF%94%E4%BD%B52016]【留學要幾錢】10國 留學 費用大比併2016[/url]



4）買樓：趁低吸納要小心

好多香港人都喜歡投資英國房地產。對於喺英國買咗樓嘅人而言，脫歐顯然係個壞消息！公投後英鎊即時下跌，令樓價瞬間蒸發8%。各方專家亦預測未來樓價仍會下跌。英國財政部更預計，未來2年英國樓價會比歐盟地區內樓價低10%至18%。

相反，對於有興趣喺英國買樓嘅人而言，呢個可能係趁低吸納嘅好時機。不過要留意，為防止英鎊下挫推高通脹，英國央行有可能考慮上調基凖利率，令按揭貸款成本上漲。因此如果央行加息，供樓嘅負擔係會重咗，所以投資前要計下自己係咪真係有賺！

以上文章轉自：[url=http://www.moneyhero.com.hk/blog/zh/%E3%80%90%E8%8B%B1%E5%9C%8B%E8%84%AB%E6%AD%90%E3%80%91%E9%A6%99%E6%B8%AF%E4%BA%BA4%E5%A4%A7%E5%88%87%E8%BA%AB%E9%A0%88%E7%9F%A5]http://www.moneyhero.com.hk/blog/zh/【英國脫歐】香港人4大切身須知[/url]